Verkfallssjóðir greiða ekki laun kvenna og kvára
Setja bókamerki
Verkfallssjóðir stéttarfélaga greiða ekki laun vegna þátttöku kvenna og kvára í kvennaverkfalli.
Þetta kemur fram á kvennafri.is, vef kvennafrídagsins 2023. Byggir það á þeim forsendum að ekki sé um verkfall í skilningi vinnulöggjafarinnar að ræða.
Hvattir til að draga ekki af launum starfsfólks
Jafnframt kemur fram að það sé ekki hefð fyrir því að atvinnurekendur dragi af launum starfsfólks vegna þátttöku í þessum baráttudegi.
Atvinnurekendur eru þá hvattir til þess að draga ekki af launum kvenna og kvára vegna þátttöku í verkfallinu svo fólk verði ekki fyrir launaskerðingu.
„Við erum bara í þessari baráttu saman“
Guðbjörg Pálsdóttir, formaður Félags íslenskra hjúkrunarfræðinga, staðfestir í samtali við mbl.is að verkfallssjóður félagsins og væntanlega allra hinna félagana verði ekki snertir.
„Þetta er ekki eiginlegt verkfall þar sem við erum í kjarabaráttu. Verkfallssjóðir okkar, og væntanlega allra hinna líka, verða ekki snertir. Við erum bara í þessari baráttu væntanlega saman. Það er bara svoleiðis,“ segir Guðbjörg.
Heimildarmenn tala um hápólitískt drama
Íslensk kona handtekin á Tenerife eftir líkamsárás
Rannsókn á menningarnæturmáli lokið
Vinna hefst í dag við að reisa undirstöður
Unnið að hraunkælingu allan sólarhringinn
Hvatti kjósendur til þess að greiða ógild atkvæði