Jarðskjálfti af stærðinni 3,9 varð um hálfsexleytið í morgun um 1 km norðvestan við Þorbjörn á Reykjanesi. Jarðskjálftahrina hófst á svipuðum slóðum eftir miðnætti.

Áfram mælist talsverð jarðskjálftavirkni á svæðinu. Jarðskjálftinn fannst vel í Grindavík og víðar á Suðurnesjum, að því er segir í tilkynningu frá Veðurstofunni.

Einar Hjörleifsson, náttúruvársérfræðingur hjá Veðurstofu Íslands, segir mikla  smáskjálftavirkni hafa verið víða á Reykjanesskaganum frá miðnætti, bæði við Þorbjörn og Fagradalsfjall.

Fagradalsfjall. mbl.is/Eggert Jóhannesson

Spurður segir hann rúmlega 450 skjálfta hafa mælst á Reykjanesskaga frá miðnætti.

Enginn gosórói hefur mælst.

„Það er mjög mikill skjálftaórói eins og er og við fylgjumst náið með stöðunni í dag og hver þróunin verður,” segir Einar.

Tengdar fréttir

Eldvirkni á Reykjanesskaga

„Við vorum alveg á nippinu“

• Funduðu að næturlagi vegna gruns um kvikuhlaup
• Héldu að kvikuhlaup gæti verið að hefjast
• Kanna vanhæfi lögreglustjórans vegna banaslyss
• Bæjarfélagið gæti farið í greiðsluþrot

» Fleiri tengdar fréttir

• Blogga um frétt