Lögreglan á höfuðborgarsvæðinu hyggst fara fram á að gæsluvarðhald yfir konu, sem grunuð er um að hafa orðið karlmanni á sextugsaldri að bana í fjölbýlishúsi við Bátavog, verði framlengt um fjórar vikur.

Þetta staðfestir Ævar Pálmi Pálmason, aðstoðar­yf­ir­lög­regluþjónn hjá miðlægri rann­sókn­ar­deild lög­regl­unn­ar á höfuðborg­ar­svæðinu.

Konan, sem er um fertugt, var handtekin á vettvangi þar sem karlmaðurinn fannst látinn í síðasta mánuði. Gæsluvarðhald yfir konunni átti að renna út í dag.

Ævar Pálmi segir málið umfangsmikið en rannsókninni hafi miðað þokkalega. Búið sé að yfirheyra marga og sé flestum skýrslutökum nú lokið.

Frétt af mbl.is

Margir þættir enn til skoðunar í Bátavogi

Tengdar fréttir

Manndráp í Bátavogi

Matsmönnum ber ekki saman um dánarorsök

• Dómur í Bátavogsmálinu gæti orðið fjölskipaður
• Gæsluvarðhald framlengt í Bátavogsmálinu
• Kærir yfirmat á geðrannsókn til Landsréttar
• Neitar sök í Bátavogsmálinu

» Fleiri tengdar fréttir

• Blogga um frétt