Stúdentaráð Háskóla Íslands hefur boðað til blaðamannafundar í Mýrinni í Grósku föstudaginn 27. október klukkan 11.00.

Frétt af mbl.is

Enginn grundvöllur fyrir skrásetningargjaldi

Í tilkynningu sem Stúdentaráð sendi frá sér rétt í þessu kemur fram að til umræðu verði ólögmæti skrásetningargjaldsins við Háskóla Íslands og fjármögnun opinberra háskóla. 

Á fundinum mun Rakel Anna Boulter, forseti stúdentaráðs, flytja ávarp, en að því loknu gefst tími fyrir spurningar. 

Líta málið alvarlegum augum

Í tilkynningu sem Stúdentaráð HÍ sendi frá sér í kvöld segist ráðið líta úrskurð áfrýjunarnefndar í kærumálum háskólanema um ólögmæti skrásetningargjalda alvarlegum augum. 

„Vanfjármögnun opinberra háskóla á Íslandi veldur því að Háskóli Íslands hefur gripið til þess ráðs að seilast í vasa stúdenta til þess að halda sér á floti. Því krefjumst við þess að Háskóli Íslands endurgreiði hverjum þeim sem greitt hefur ólögmæt skrásetningargjöld við skólann, eins og honum ber skylda til,“ segir í tilkynningunni. 

Tengdar fréttir

Skrásetningargjöld HÍ

„Þetta er enginn misskilningur“

• „Getum ekki krafið háskólann um þessar upphæðir“
• Gjöldin verði endurgreidd og mögulega afnumin
• „Gjaldið er mikilvægt fyrir háskólastarf í landinu“
• Enginn grundvöllur fyrir skrásetningargjaldi

» Fleiri tengdar fréttir

• Blogga um frétt