Útskorna tréstyttu af allsberum smádreng má finna í einu horni í Friðriksstofu, minningarstofunni um séra Friðrik Friðriksson í húsakynnum KFUM við Holtaveg. Séra Friðrik hélt upp á þessa styttu og nefndi hana Drumb. Jón Gnarr tístir að um sé að ræða „eitt mest krípí shit “ sem hann hefur heyrt um lengi. 

Guðmundur Magnússon sagnfræðingur greindi frá styttunni á bloggi sínu Skrifhús í gær. Fyrr í vikunni greindi Guðmundur frá því að séra Friðrik hafi leitað á ung­an dreng, sem nú er kom­inn hátt á full­orðins­ár.

Frétt af mbl.is

Forystu KFUM og KFUK brugðið

Styttuna hafði séra Friðrik í bókaherbergi sínu og svefnstofu í húsi KFUM við Amtmannastig árum saman. 

Guðmundur ritar að er Sigurjón Ólafsson myndhöggvari gerði á sínum tíma minnisvarðann um séra Friðrik og drenginn, sem stendur við Lækjargötu, notaði hann tréstyttuna sem fyrirmynd að drengnum. Þáverandi kona Sigurjóns, Tove Ólafsson, er höfundur verksins.

Frétt af mbl.is

Óskar eftir hugmyndum að styttu í stað séra Friðriks

„Hann er mjög óþekkur“

Síðasta blaðaviðtalið við séra Friðrik var birt í Morgunblaðinudaginn fyrir níræðisafmæli hans árið 1958. Þar minnist séra Friðrik á Drumb með eftirfarandi hætti: 

„Sko, þarna á ég strák, sagði hann, og benti á myndina. Tove Ólafsson tálgaði hana og gaf mér. Mér þykir ákaflega vænt um hana. Drengurinn heitir Drumbur. Hann er mjög óþekkur og fæst ekki til að fara í nokkra spjör, og er svo auðvitað alltaf hræddur um, að ég muni skella hann á rassinn. Sjáðu, hvar hann heldur hendinni, við öllu búinn!“

Tengdar fréttir

Séra Friðrik Friðriksson

Valsmenn fjarlægja styttu af séra Friðriki

• Örfáir gáfu sig fram
• Biðja þolendur sr. Friðriks afsökunar
• Hugleysi að þora ekki að segja frá því sem var satt og rétt
• Vilja svipta sr. Friðrik nafnbót heiðursborgara

» Fleiri tengdar fréttir

• Blogga um frétt