Sigmundur Davíð áfram formaður Miðflokksins

Landsþingi Miðflokksins lauk nú fyrir skömmu og var um að ræða eitthvað besta þing sem Sigmundur Davíð Gunnlaugsson, formaður flokksins, man eftir í pólitík.

„Það var svo mikil jákvæðni, bjartsýni og áræðni í mannskapnum,“ segir Sigmundur í samtali við mbl.is.

Sigmundur Davíð var einn í kjöri til formanns flokksins en á fundinum var staðfest með lófataki að hann myndi áfram leiða flokkinn.

Frétt af mbl.is

Segir ríkisstjórnina vera „ópólitíska“

Skipta í sóknargírinn

Ein breyting var í stjórn flokksins en Ingibjörg Hanna Sigurðardóttir gaf ekki kost á sér til áframhaldandi setu í stjórninni. Heiðbrá Ólafsdóttir var kjörin í hennar stað.

„Við munum áfram gegna að einhverju leyti hlutverki varnarmannanna í íslenskri pólitík, að reyna að koma í veg fyrir að ríkisstjórnin vinni tjón. Um leið erum við að færa okkur yfir í sóknargírinn. Það má segja að þetta þing hafi markað þann viðsnúning. Við munum ekkert vanrækja vörnina en sóknin er að hefjast fyrir alvöru,“ segir Sigmundur.

Frá landsþingi Miðflokksins. Ljósmynd/Aðsend

• Blogga um frétt