Þingflokkur Pírata hyggst leggja fram tillögu á Alþingi þar sem utanríkisráðherra er falið að kalla eftir tafarlausu vopnahléi af mannúðarástæðum á Gasa og að ríkisstjórnin fordæmi árásir Ísraelshers á óbreytta borgara og borgaralega innviði Palestínu.

Þetta kemur fram í tilkynningu frá þingflokknum og segir að þingmönnum allra flokka var á föstudaginn boðið að vera meðflutningsmenn á tillögunni.

„Standa vonir Pírata til þess að breiður hópur þingfólks geti sameinast um að koma tillögunni sem allra fyrst á dagskrá þingsins og til afgreiðslu í ljósi síversnandi ástands fyrir botni Miðjarðarhafs.“

Frétt af mbl.is

Skyndimótmæli eftir að Ísland sat hjá

Afstöðuleysi jafngildir stuðningi

Þá lýsir þingflokkur yfir djúpum vonbrigðum með hjásetu Íslands í atkvæðagreiðslu allsherjarþings Sameinuðu þjóðanna um ákall eftir vopnahléi á Gasa.

Frétt af mbl.is

Afstaða Íslands hafi „engar afleiðingar“

„Afstöðuleysi gagnvart jafnskelfilegri mannúðarkrísu og nú á sér stað jafngildir stuðningi við framferði Ísraelshers á Gaza og sýnir virðingarleysi gagnvart alþjóðalögum. Þessi sorglega afstaða ríkisstjórnarinnar kallar yfir okkur skömm og er ekki í okkar nafni.“

Þingflokkurinn hvetur þá þingmenn til að gerast meðflutningsmenn á þingsályktunartillögunni.

„Meirihluti Alþingis getur knúið fram rétta afstöðu Íslands á alþjóðavettvangi með samþykkt tillögunnar.“

Tengdar fréttir

Ísrael/Palestína

16 drepnir í árás á skóla

• Ísraelsher drap 16 í árás á skóla UNRWA
• Gerðu árásir á ísraelskar herstöðvar
• Rýming á Gasa fyrirskipuð á ný
• Forstjóri sjúkrahúss segist hafa verið pyntaður

» Fleiri tengdar fréttir

• Blogga um frétt