Hvessir á morgun

Fremur rólegt veður verður á landinu í dag. Skýjað verður með köflum og bjartviðri, en stöku skúrir eða slydduél úti við sjávarsíðuna. 

Á morgun hvessir nokkuð við suðurströndina að því er segir í hugleiðingum veðurfræðings á Veðurstofu Íslands. 

Hvessir svo enn meira á miðvikudag, mest syðra og skúrir eða dálítil él verða á austanverðu landinu, en annars verður yfirleitt bjart.

Veðurhorfur á landinu næstu daga

Á þriðjudag:

Austan 5-13 m/s, en hægari norðanlands. Dálitlar skúrir við suðurströndina, en annars verður bjart að mestu. Hiti verður 0 til 6 stig yfir hádaginn, en allvíða næturfrost.

Á miðvikudag:

Austan og norðaustan 5-13 m/s, en 13-18 við suðausturströndina. Lítilsháttar rigning eða slydda suðaustan til, él norðaustanlands, en að mestu léttskýjað verður fyrir vestan. Hiti verður nærri frostmarki.

Á fimmtudag:

Norðaustan 10-18 m/s, hvassast suðaustan til. Dálitlar skúrir eða él, en bjart að mestu á Suður- og Vesturlandi. Hiti verður 1 til 6 stig að deginum.

Veður á mbl.is. 

• Blogga um frétt