Riða greindist í skimunarsýni frá bænum Stórhóli í Húnaþingi vestra. Matvælastofnun barst tilkynning þess efnis frá tilraunastöð Háskóla Íslands að Keldum fyrir helgi.

Um er að ræða eitt jákvætt sýni úr tveggja vetra á. Á bænum Stórhóli eru um 600 kindur. 

Bærinn tilheyrir Húna- og Skagahólfi. Riða greindist síðast á bænum árið 2006 en á nágrannabæ hans árið 2021 að því er fram kemur í tilkynningu frá Matvælastofnun. Ekki hafði borið á sjúkdómseinkennum í kindinni né öðrum á bænum. 

Undirbúningur aðgerða er hafinn. Faraldsfræðilegum upplýsingum verður safnað og áhersla lögð á að rekja hvert kindur af bænum hafa verið fluttar.

Sýni eru tekin út fullorðnu fé sem sent er til slátrunar og þau rannsökuð með tilliti til riðu.

Tengdar fréttir

Riðuveiki

Ánægjulegt að þurfa hvorki að nota byssu né hníf

• Munu fagna síðasta niðurskurðinum vegna riðu
• Stefna að riðulausu Íslandi fyrir 2044
• Skrifa undir landsáætlun um útrýmingu riðu
• Yfirdýralæknir tímabundið til ráðuneytisins

» Fleiri tengdar fréttir

• Blogga um frétt