Mun draga úr áhuga á rafbílum

„Margir munu velta því fyrir sér hvort það borgi sig að kaupa rafbíl miðað við sína akstursþörf og notkun. Það eru ekki allir drifnir áfram af umhverfissjónarmiðum við kaup á rafbíl. Þetta er stór útgjaldaliður þannig að fólk þarf að huga að ýmsu öðru. Boðaðar breytingar gætu haft í för með sér að það verði ekki lengur hagkvæmt fyrir marga aðila að fara í orkuskipti. Maður heyrir að margir séu svolítið tvístígandi með að fara í þessi umskipti út af þessu,“ segir Runólfur.

Frétt af mbl.is

Mismunar innflytjendum rafbíla

Annars vegar sé rætt um að hætta endurgreiðslu á virðisaukaskatti á rafbíla allt að 1.320 þúsundum en taka í staðinn upp styrki úr Orkusjóði. Hins vegar sé boðað að leggja á 6 króna kílómetragjald á rafbíla um áramótin.

Þótt endanleg útfærsla liggi ekki fyrir sé ljóst að dregið verði úr niðurgreiðslum á rafbílum til almennings. „Á þessum tímapunkti höfum við að sjálfsögðu áhyggjur af því að það dragi úr áhuga almennra kaupenda á rafbílum,“ segir Runólfur.

Ítarlegri umfjöllun má lesa í Morgunblaðinu í dag en þar er einnig rætt við Garðar Stein Ólafsson, lögmann hjá Lögfræðistofu Reykjavíkur.