Líkur á öflugra gosi í Svartsengi aukast eftir því sem þrýstingur heldur áfram að byggjast upp í geymsluhólfi kvikunnar á 4-5 kílómetra dýpi.

Þetta segir Þorvaldur Þórðarson, prófessor í eldfjalla- og bergfræði við Háskóla Íslands.

Þeim mun meira afl yrði í gosinu

„Það er enn þá að flæða inn í þetta geymsluhólf sem er á 4-5 kílómetra dýpi. Eftir því sem meiri kvika flæðir inn, þeim mun meiri þrýstingur byggist upp í því,“ segir hann í samtali við Morgunblaðið í dag.

„Ef þakið gefur sig, sem getur alveg gerst, þá eftir því sem yfirþrýstingurinn er meiri, þeim mun meiri hraði yrði á risi kvikunnar og meira afl í gosinu. Eftir því sem þessi atburðarás gengur lengur, þá aukast líkurnar á öflugra gosi, alla vega í byrjun.“

Ítarlegar er fjallað um jarðhræringar á Reykjanesskaga í Morgunblaðinu í dag.

Tengdar fréttir

Eldvirkni á Reykjanesskaga

Eldgos nú talið ólíklegt í nóvember

• Skoða hvort Hvalur 8 og 9 geti hitað upp Suðurnes
• Telja sig geta rekið Grindavík til 2026
• „Ekkert okkar getur sett sig í spor ykkar“
• Trúir að Grindavík geti byggst upp

» Fleiri tengdar fréttir