„Ég myndi segja að það ætti að vera algerlega ljóst öllum sem fara ofan í Bláa lónið að þessi staða er uppi. Það er mjög mikilvægt að það sé þannig og Bláa lónið geri það ljóst sínum gestum.“

Þetta segir Magnús Tumi Guðmundsson jarðeðlisfræðingur um stöðuna sem er uppi á Svartsengissvæðinu en kviku­söfn­un­in er bæði hraðari og meiri und­ir Svartsengi en áður hef­ur verið að sögn Magnúsar.

Hann segir eðlilegt og sjálfsagt að gestir taki upplýsta ákvörðun um veru sína í lóninu.

Frétt af mbl.is

Kvikusöfnun hraðari og meiri en áður hefur verið

Við þurfum að vera viðbúin

Segir hann geta komið að því að lóninu verði lokað og að ef þessi atburðarás magnist þá sé mjög eðlilegt að það gerist.

„Við þurfum að vera viðbúin því þó við séum ekki komin þangað ennþá. Viðbrögð eru rædd stöðugt og þessu velt upp.“

Magnús segir lík­leg­ast að það taki tölu­verðan tíma fyr­ir kviku að kom­ast upp til yf­ir­borðs fari hún af stað.

„Versta til­felli eru nokkr­ir klukku­tím­ar. Ef það sæj­ust merki um að kvika væri að brjót­ast upp til yf­ir­borðs þá er kom­in allt önn­ur staða og þá yrði svæðið vænt­an­lega lokað og rýmt.

Þá er ég að tala um eins og Bláa lónið og slíkt. Það get­ur al­veg gerst á næst­unni að aðstæður þró­ist þannig að það sé ekki talið óhætt að nýta Bláa lónið.“

Hann seg­ir þó ekki í takt við neitt sem við höf­um séð að kvika komi upp okk­ur al­gjör­lega að óvör­um.

Frétt af mbl.is

Hraunið gæti náð að Bláa lóninu á þremur mínútum

Grinda­vík ekki í beinni hættu

Hann seg­ir orku­verið í Svartsengi í mik­illi hættu ef það gýs á þessu svæði sem og Bláa lónið en hann seg­ir Grinda­vík ekki í beinni hættu.

„Það er mik­il­vægt að átta sig á því að ef það gýs norðvest­an við Þor­björn þá renn­ur það hraun ekki inn í Grinda­vík. Það get­ur farið til sjáv­ar vest­an við Grinda­vík miðað við þá at­b­urðarás sem nú er í gangi. Ef þyrfti að gera varn­argarð sem héldi hraun­rennsl­inu frá Grinda­vík ætti að gef­ast tími til þess sömu­leiðis. Sjálf Grinda­vík er ekki í beinni hættu.“

Tengdar fréttir

Eldvirkni á Reykjanesskaga

Aldrei runnið vestar: Um 100 metrar á klukkustund

• Myndir: Náttúrulegur þröskuldur að taka við
• Yfir 300 stæði fóru undir hraun
• Viðgerðir munu taka nokkra daga
• Fullvissa ferðamenn um að hér sé öruggt

» Fleiri tengdar fréttir

• Blogga um frétt