Grindvíkingar fá tækifæri til að hittast í íþróttahúsinu í Gjánni í Grindavík í dag klukkan 16-18 þar sem verður meðal annars farið yfir stöðuna í sambandi við hugsanlegt eldgos á svæðinu.

Sérfræðingar sem þekkja til mála vegna jarðhræringanna mæta á svæðið sem og fulltrúar frá Björgunarsveitinni Þorbirni, Grindavíkurbæ og Heilbrigðisstofnun Suðurnesja.

Fólki gefst tækifæri til að ræða við þessa aðila og spyrja þá spurninga.

Boðið verður upp á kaffiveitingar og þá verða hoppukastalar fyrir börnin í íþróttahúsinu. Fram kemur á vef Grindavíkur að fjölmiðlum verði meinaður aðgangur að viðburðinum.

Tengdar fréttir

Eldvirkni á Reykjanesskaga

Eldgos nú talið ólíklegt í nóvember

• Skoða hvort Hvalur 8 og 9 geti hitað upp Suðurnes
• Telja sig geta rekið Grindavík til 2026
• „Ekkert okkar getur sett sig í spor ykkar“
• Trúir að Grindavík geti byggst upp

» Fleiri tengdar fréttir

• Blogga um frétt