Upp­lýs­inga­fund­ur vegna jarðhrær­ing­anna á Reykja­nesskaga hófst í Stapa Hljóma­höll klukk­an 20 í kvöld. Fundargestir sem blaðamaður ræddi við eru misáhyggjufullir en þó flestir byrjaðir að gera ráðstafanir.

Fund­ur­inn er hald­inn á veg­um al­manna­varna­nefnd­ar Suður­nesja, utan Grinda­vík­ur. Um 260 bæjarbúar eru mættir á fundinn.

Ef svo fer að versta sviðsmynd raungerist og eldgos hefst við virkj­un­ina í Svartsengi gæti það stefnt hita­veitu fyrir um 31 þúsund manns í hættu.

Frétt af mbl.is

Beint: Upplýsingafundur vegna jarðhræringa

Byrjaðir að gera ráðstafanir

Stefán Árni Stefánsson fundargestur kveðst í samtali við mbl.is hafa „temmilegar“ áhyggjur af því að fyrrnefnd sviðsmynd raungerist. Hann vonar það besta en býr sig undir það versta.

„Ég er að undirbúa það að koma upp rafmagnshitun þannig að ég geti haldið húsinu heitu og vonandi losnað við frostskemmdir af þeim völdum. Svo er maður farinn að huga að því hvernig maður ætlar að hafa vatnsbirgðir til þess að geta notað salerni og haft neysluvatn,“ segir hann í samtali við mbl.is.

„Ég er eins og aðrir bæjarbúar að fylgjast með stöðunni og átta mig á því hvað sé í gangi,“ segir Jón Guðlaugsson, annar fundargestur, í samtali við mbl.is.

Hann kveðst einnig vera byrjaður að gera ráðstafanir.

Dómsmálaráðherra verður með erindi

Full­trú­ar frá al­manna­varna­deild rík­is­lög­reglu­stjóra, Veður­stof­unni, HS Orku, HS Veit­um verða með fram­sög­ur og gefst fund­ar­gest­um tæki­færi til að spyrja spurn­inga í lok fund­ar. 

Meðal þeirra sem ávarpa fundargesti eru Guðrún Haf­steins­dótt­ir dóms­málaráðherra, Víðir Reyn­is­son, yf­ir­lög­ regluþjónn al­manna­varna­deild­ar rík­is­lög­reglu­stjóra, Krist­ín Jóns­dótt­ir, deild­ar­stjóri og jarðskjálfta­fræðing­ur á Veður­stof­unni, og Páll Erland, for­stjóri HS Veitna.

Tengdar fréttir

Eldvirkni á Reykjanesskaga

Viðgerðir munu taka nokkra daga

• Fullvissa ferðamenn um að hér sé öruggt
• Allt bílaplanið komið undir hraun
• Flogið á milli ljósaskipta
• Ástæða til að ætla að eldgosahrinu fari að ljúka

» Fleiri tengdar fréttir

• Blogga um frétt