Bláa lóninu lokað í eina viku
Meginástæður lokunarinnar eru sagðar truflun á upplifun gesta í nótt og langvarandi aukið álag á starfsmenn.
mbl.is/Eggert Jóhannesson
Setja bókamerki
Bláa lóninu verður lokað í eina viku frá og með deginum í dag og til 16. nóvember klukkan 07.00.
Þetta kemur fram í tilkynningu.
Segir í tilkynningunni að þetta hafi verið ákveðið þrátt fyrir að viðbúnaðarstig almannavarna hafi ekki verið aukið, staðan verði metin í framhaldinu.
Meginástæður eru sagðar truflun á upplifun gesta í nótt og langvarandi aukið álag á starfsmenn.
„Bláa Lónið hf. mun fylgjast með framgangi hræringanna næstu sólarhringa og meta stöðuna. Okkar frábæru og tryggu starfsmenn fá greidd full laun meðan á lokun stendur og gestir fulla endurgreiðslu,“ eins og segir í tilkynningunni.
Hafnar öllum ásökunum
„Ég vil bara að þetta hætti“
Menningarnótt lauk með hvelli
Þrjú hús rýmd vegna aurskriðu á Húsavík
Rigningin tætti í sig hlíðina við Hofsá
Grænt ljós á fjölorkustöð á Granda
Ofbeldismálin stinga í augun