Hafa tapað tugmilljónum vegna netfjársvika
Setja bókamerki
Dæmi eru um að einstaklingar hafi tapað tugmilljónum króna í netfjársvikum hér á landi. Slík brot hafa verið að færast í aukana en segja má að hrina hafi byrjað í ágúst sem sé enn í gangi.
Þetta kemur fram í skriflegu svari lögreglunnar á höfuðborgarsvæðinu við fyrirspurn mbl.is.
Fjármuna- og peningaþvættisdeild lögreglunnar á höfuðborgarsvæðinu hefur 41 mál til rannsóknar sem flokkast sem fjársvik yfir netið. Í sumum þessara mála hafa fjársvikarar notað aðferðir þar sem rafræn skilríki koma við sögu.
Heimila óvart aðgang að netbönkum
Í svari lögreglunnar segir að í flestum þessara tilvika hafi brotaþolar verið blekktir til að staðfesta aðgerðir með rafrænum skilríkjum og heimilað brotamönnum aðgang að persónulegum netbönkum.
„Þessi málaflokkur hefur verið að færast í aukana en við eigum eftir að taka þau gögn saman til að geta séð samanburð milli ára.“
Upphæðirnar sem fólk tapar geta hlaupið á nokkur hundruð þúsundum króna og allt upp í tugmilljónir króna.
Forvarnir helsta vopnið
Spurð hvort áhyggjur séu uppi um að of auðvelt sé að komast yfir rafræn skilríki fólks svarar lögregla:
„Hvað varðar áhyggjur þá hefur lögregla reynt að vera með reglulegar ábendingar í forvarnarskyni og tel ég forvarnir vera okkar helsta vopn í baráttu gegn þessum svikum. Þá er lögregla í virku samstarfi með hagsmunaaðilum sem hafa verið virkir í að bregðast við þegar t.d. er um öryggisgalla að ræða eða þegar að öryggisvarnir eru ekki nægjanlega góðar.“
„Algjört hörmungarástand“
„Ég held að þetta verði ekki svo jafnt“
Menn með tengsl við Islamic Jihad á Íslandi
„Við í Prís höfum áhuga á að fara á Nesið“
„Umbjóðanda mínum er mjög létt“
Sjö ára dómur yfir Theodóri staðfestur
Tveir nýir inn í framkvæmdastjórn Sýnar
