Megn lykt og aflífa þurfti meindýr
Setja bókamerki
Megn lykt af meindýrum var í kjallaranum við Sóltún 20 þar sem heilbrigðiseftirlit Reykjavíkur komst á snoðir um matvælalager sem geymdur var við óheilsusamlegar aðstæður.
Rýmið var ekki meindýrahelt og voru alls staðar ummerki um meindýr. Þá fundust einnig lifandi og dauðar rottur og mýs á staðnum. Þetta kemur fram í eftirlitsskýrslum HER sem mbl.is hefur fengið afhentar.
„Meindýraspörð og meindýraþvag var víða um rýmið, upp á matvælakössum, ofan í ílátum og um allt gólf. Greinilegt var að meindýr höfðu nagað sig í gegnum matvælasekki því matvæli höfðu lekið úr þeim á gólfið,“ segir í eftirlitsskýrslunni.
Sum meindýranna lentu í gildrum sem búið var að koma fyrir í húsnæðinu og þurfti eftirlitið meðal annars að aflífa eina rottu sem var föst í gildru.
Vy-Þrif voru með kjallarann á leigu en Davíð Viðarsson, eigandi þrifafyrirtækisins, á m.a. Vietnam market og 40% hlut í WOKON Mathöll ehf.
HER telur að matvælin í kjallaranum hafi verið ætluð til dreifingar.
Matur og búnaður
Heilbrigðiseftirlitið fór í eftirlit í kjallarann 27. september vegna rökstudds gruns um ólöglega geymslu matvæla þar. Grunur var um að í kjallaranum væri verið að geyma matvæli án tilskilinna leyfa.
Í eftirlitsskýrslu segir að fulltrúi Vy-þrifa, leigutaka húsnæðisins, hafi komið á staðinn og opnað húsnæðið. Var viðkomandi viðstaddur eftirlitið.
Nokkur tonn af matvælum blöstu við og voru þau ýmist geymd í sekkjum, kössum eða frystikistu. Voru a.m.k. 28 bretti með sekki og a.m.k. 26 bretti af matvælum í kössum. Þá voru 18 frystikistur í rýminu sem einnig voru fullar af ýmiss konar matvælum.
Verktakar sáu um að farga matvælum undir leiðsögn HER sem tók myndir af umbúðum matvæla og skráði niður magn sem fór í förgun.
Kælar, bíldekk, dýnur og tjald
Í kjallaranum fundust einnig ýmis matvælaáhöld, borðbúnaður og eldunarbúnaður, stór suðupottur, panna, þvottavél, bíldekk, kælar, handklæði í pokum, stólar, borð ofl. Þá var einnig tjald og dýnur á staðnum.
Kjallarinn var óhreinn – gólf, veggir og búnaður, og megn lykt af meindýrum var í rýminu.
Engin mengun í vatnsbólinu
Harmar „andstyggileg tímamót“ í stríðinu
Keypti glock-skammbyssur fyrir 30 milljónir
Kristrún: Staðan er óboðleg
Úkraínumenn leggja undir sig Súdzha
Landsvirkjun gerir tilboð í Toppstöðina
Flýta nýja námsmatinu og gera skyldubundið