Litlar sprungur hafa myndast í yfirborði Grindavíkurvegar í jarðskjálftunum sem staðið hafa yfir síðustu daga.

Á vef Vegagerðarinnar segir að sprungurnar séu innan við sentímetra að stærð og að sumar eldri sprungur hafi stækkað. Þær eiga ekki að hafa áhrif á burð vegarins eða öryggi og því sé ekki ástæða til að hafa áhyggjur.

„Vegagerðin fylgist grannt með öllum breytingum á vegakerfinu á þessu svæði og mun bregðast hratt við ef þörf verður á því. Þetta er staða sem hefur komið upp í fyrri jarðskjálftahrinum þannig að það er komin nokkur reynsla á að fylgjast með framvindunni,“ segir í tilkynningu á vef Vegagerðarinnar.

Sprungurnar eiga ekki að hafa áhrif á burð vegarins eða öryggI. Ljósmynd/Vegagerðin

Tengdar fréttir

Eldvirkni á Reykjanesskaga

Goshrinan undir meðallagi stór hingað til

• Taka þarf ákvarðanir um framtíð Grindavíkurbæjar
• Kvikusöfnun 80% af því sem var fyrir síðasta gos
• Saksóknari staðfestir hæfi lögreglustjórans
• „Við vorum alveg á nippinu“

» Fleiri tengdar fréttir

• Blogga um frétt