„Við ætlum ekki í neinar rýmingar og eldgos virðist ekki vera yfirvofandi á næstunni, en þetta eru vísbendingar sem við þurftum til þess að hækka viðbúnaðinn okkar,“ segir Víðir Reynisson, yf­ir­lög­regluþjónn al­manna­varna­deild­ar rík­is­lög­reglu­stjóra, í samtali við mbl.is.

Hættustigi almannavarna hefur verið lýst yfir.

„Þetta er þessi gríðarlega jarðskjálftahrina seinni partinn í dag og vegna þess finnst okkur ástæða til að auka viðbúnaðinn,“ segir Víðir.

Hraun kann enn að renna að virkjuninni

Skjálftahrinan á upptök sín austur af Sýlingafelli, og því ekki á þeim stað þar sem kvikugangurinn hefur verið talinn liggja og reiknað hefur verið með að gos kunni að brjótast út.

Víðir segir að þrátt fyrir það séu uppi ýmsar sviðsmyndir sem sýna að hraun gæti enn runnið að virkjuninni.

„Nú erum við komin á þennan stað og fylgjumst með,“ segir hann.

Tengdar fréttir

Eldvirkni á Reykjanesskaga

Eldgos nú talið ólíklegt í nóvember

• Skoða hvort Hvalur 8 og 9 geti hitað upp Suðurnes
• Telja sig geta rekið Grindavík til 2026
• „Ekkert okkar getur sett sig í spor ykkar“
• Trúir að Grindavík geti byggst upp

» Fleiri tengdar fréttir

• Blogga um frétt