Fjöldahjálparstöðvar verða opnaðar nú á níunda tímanum í Íþróttahúsinu í Grindavík, Vallarskóla á Selfossi, Íþróttahúsinu við Sunnubraut í Reykjanesbæ og í Kórnum í Kópavogi.

Þetta kemur fram í tilkynningu frá almannavörnum. Tekið er fram að í Grindavík sé stöðin aðeins til söfnunar og upplýsinga og ef fólk þurfi aðstoð við að fara annað.

„Þar mun þeim sem þangað leita standa til boða hressing, upplýsingar og gisting ef á þarf að halda,“ segir í tilkynningu.

Grindavíkurvegur lokaður

Athygli er einnig vakin á að Grindavíkurvegur er lokaður að sinni vegna skemmda.

„Fólki er bent á að fara um Suðurstrandarveg á leið á Selfoss og Reykjavíkur eða Nesveg ef það velur að fara í Reykjanesbæ. Viðgerðir á Grindavíkurvegi standa yfir og upplýst verður ef og þegar Grindavíkurvegur verður opnaður á ný.“

Frétt af mbl.is

Myndskeið: Grindavíkurvegi lokað vegna sprungu

Tengdar fréttir

Eldvirkni á Reykjanesskaga

Verðum að vera viðbúin stærra eldgosi

• Ekkert bendir til þess að atburðarásinni sé lokið
• Munaði 15 milljónum rúmmetra
• Heildarrúmmálið rúmlega 60 milljón m³
• Svipuð þróun og fyrir síðustu gos

» Fleiri tengdar fréttir

• Blogga um frétt