Hættustigi hefur verið lýst yfir vegna ákafrar jarðskjálftahrinu við Sundhnúkagíga, norðan Grindavíkur.

Þetta kemur fram í tilkynningu frá ríkislögreglustjóra, sem kveðst hafa lýst þessu yfir í samráði við lögreglustjórann á Suðurnesjum.

Skjálftar gætu orðið stærri og eldgos gæti orðið

„Skjálftar geta orðið stærri en þeir sem hafa átt sér stað og gæti þessi atburðarás leitt til eldgoss. Hins vegar eru engin merki enn um að kvikan sé að leita á yfirborðið. Fylgst er vel með framvindunni,“ segir í yfirlýsingunni.

Enn fremur eru íbúar hvattir til þess að fylgjast með upplýsingagjöf á almannavarnir.is, vedur.is og í fjölmiðlum.

Hættustig almannavarna er skýrt sem svo að hætta fari vaxandi og að gripið sé til ráðstafana til að tryggja sem best öryggi þeirra sem á svæðinu búa/dvelja. Slíkt sé gert með því að efla viðbúnað á viðkomandi svæði.

Tengdar fréttir

Eldvirkni á Reykjanesskaga

Myndir: Hraunið við bílaplan Bláa lónsins

• Gosstöðvarnar ekki aðgengilegar fyrir ferðamenn
• Myndskeið: Stórbrotið útsýni af flugbrautinni
• Virknin dregist saman um 600 metra
• Rafmagn komið á: Engin viðgerð fyrr en eftir gosið

» Fleiri tengdar fréttir

• Blogga um frétt