Veðurstofa Íslands hefur óskað eftir því að landverðir á vegum Umhverfisstofnunar kanni aðstæður við Litla-Hrút þar sem óvenjumikill reykur stígur nú upp frá hrauninu sem rann í eldgosinu í sumar.

Hefur Veðurstofan engar staðfestar skýringar á reyknum, enn sem komið er, og bíður svara frá landvörðum sem eru á leiðinni á vettvang.

Salóme Jórunn Bernharðsdóttir, náttúruvársérfræðingur hjá Veðurstofunni, segir í samtali við mbl.is að ákaflega ólíklegt sé að reykurinn tengist eldvirkni og að engin merki séu um slíkt. 

Mögulegt sé að heitt hraun hafi brotnað og valdið sinubruna, segir hún, en tekur þó fram að það sé ágiskun.

Tengdar fréttir

Eldvirkni á Reykjanesskaga

Tekur tilkynningu Veðurstofunnar með fyrirvara

• Veðurstofan bíður nú átekta
• Nýtt kvikuhlaup eða eldgos líklegt á næstu vikum
• Fjárfesting verði 75 milljarðar þegar yfir lýkur
• Landris á sama hraða og fyrir síðasta gos

» Fleiri tengdar fréttir

• Blogga um frétt