Vélar HS Orku fóru út í skjálftunum

Vélar í orkuverum HS Orku í Svartsengi og Reykjanesvirkjun fóru út í skjálftahrinunni á Reykjanesskaga sem stendur nú yfir.

Búið er að koma vélum í Reykjanesvirkjun í gagnið en unnið er að því að koma vélum í Svartsengi í gagnið á ný.

Ekki haft áhrif á afhendingu rafmagns

Þetta staðfestir Birna Lárusdóttir, upplýsingafulltrúi HS Orku. Hún segir bilanirnar ekki hafa haft áhrif á afhendingu rafmagns.

Þá varð lítið sem ekkert tjón þegar að eldur kom upp í klæðningu orkuversins í kvöld. Að sögn Birnu var eldurinn smávægilegur og gekk slökkvistarf hratt og vel.

Frétt af mbl.is

Eldur kviknaði í klæðningu virkjunarinnar

• Blogga um frétt