Vestmannaeyingar eru boðnir og búnir að opna heimili sín fyrir íbúum Grindavíkur sem í kvöld hafa þurft að yfirgefa heimili sín. Í hópnum Heimaklettur á Facebook hafa margir Vestmannaeyingar sagst geta tekið á móti fólki.

Vestmannaeyingar þekkja af eigin raun hvernig er að þurfa að yfirgefa heimili sín vegna náttúruvár en það þurftu þeir að gera þegar eldgos varð í Vestmannaeyjum fyrir 50 árum.

Ekki upplifað þetta í fimmtíu ár

Víðir Reynisson, yf­ir­lög­regluþjónn al­manna­varna­deild­ar rík­is­lög­reglu­stjóra, minntist þess í ávarpi sínu fyrr í kvöld að þá atburði, sem við upplifum nú, hefðum við ekki upplifað síðan í Vestmannaeyjum 1973.

Í Heimaklettshópnum bjóða einnig Vestmannaeyingar búsettir uppi á landi Grindvíkingum húsaskjól. 

Tengdar fréttir

Eldvirkni á Reykjanesskaga

Hætta á mikilli loftmengun aftur í dag

• Loftgæðin aftur eðlileg í Vogum
• Ráðleggja fólki að loka gluggum vegna gasmengunar
• Búið að hægjast mikið á landsigi
• Gosmóða mælist víða á suðvesturhorninu

» Fleiri tengdar fréttir

• Blogga um frétt