Almannavarnir vonast til að geta hleypt Grindvíkingum heim til sín í örstutta stund í dag til að sækja helstu nauðsynjar.

„Við erum búin að gera áætlanir um það að ef hættumatið leyfir að það verði hægt að snúa eldsnöggt heim til sín í dag til þess að sækja svona það allra nauðsynlegasta,“ segir Víðir Reynisson, sviðsstjóri almannavarna, í samtali við mbl.is.

Víðir ítrekar að leyfið byggi algjörlega á nýju hættumati sem má vænta er búið verður að lesa og bera saman nýjustu gögn, um ellefu leytið. 

„Við vorum tilbúin með þetta í gær en þá var ekki talið óhætt að gera þetta í gær. Við vonum bara að staðan sé þannig að það sé hægt að gera þetta í dag. Þannig að við erum bara tilbúin með plön sem verða kynnt rækilega um leið og við sjáum hvort að það sé framkvæmalegt.“

Víðir segir að öryggi íbúa sé í fyrirrúmi. 

Fréttin hefur verið uppfærð. 

Tengdar fréttir

Eldvirkni á Reykjanesskaga

Uppfært hættumat: Líkur á eldgosi á næstu vikum

• Erfiðara að vernda Bláa lónið í nýju gosi
• Eldgos í sumar sennilega það síðasta
• „Eins og staðan er núna þá er þetta ekki að hætta“
• Tekur tilkynningu Veðurstofunnar með fyrirvara

» Fleiri tengdar fréttir

• 1 blogg um fréttina

Bloggað um fréttina

• Arnar Þór Jónsson: Vita ,,sérfræðingar ríkisins" alltaf betur en þú?