„Leitum styrks hvert hjá öðru“
Setja bókamerki
„Ég leyfi mér að segja að ég er þakklátur og stoltur fyrir að búa í samfélagi sem bregst svo vel við óvæntri ógn.“
Þetta sagði forseti Íslands, Guðni Th. Jóhannesson, í ávarpi sínu til Grindvíkinga og þeirra sem saman komu í Hallgrímskirkju í kvöld.
„Mér þykir vænt um að eiga þessa stund með ykkur. Þessa samverustund þegar við leitum styrks hvert hjá öðru,“ sagði forsetinn.
„Þegar við bíðum þess sem verða vill. Vonum það besta en búum okkur undir allan þann miska sem þau römmu náttúruöfl geta gert okkur.“
Tökumst á við vandann með einingarmætti
Kvaðst hann mæla fyrir munn allrar þjóðarinnar þegar hann segist hugsa hlýtt til allra sem þurftu að flýja heimili sín og vinnustaði og þakkaði þeim sem hafa boðið fram heimili sín til Grindvíkinga og þeim viðbragðsaðilum og vísindamönnum sem sinna hjálp í viðlögum.
„Við vitum ekki enn hvort gjósa muni í eða við Grindavík. Ef það gerist þá tökumst við á við þann vanda,“ sagði forsetinn og fullvissaði viðstadda um að Grindavík muni halda áfram með einingarmætti íslensku þjóðarinnar.
„Mér finnst gamla Samfylkingin komin aftur“
Stormur á Þorláksmessu en víðast hvar stefnir í hvít jól
Fyrsti blaðamannafundurinn í heild sinni
Bjarni: „Útilokað að þetta geti gengið upp“
Víkingar komnir yfir 800 milljónir í greiðslur
Var engin kristnitaka árið 1000?
