Stærstu skjálftarnir nú við Kleifarvatn
Jarðskjálftar á Reykjanesskaga frá miðnætti í nótt og til kl. 18.15.
Kort/Veðurstofa Íslands
Setja bókamerki
Stærstu jarðskjálftarnir sem riðið hafa yfir Reykjanesskaga undanfarnar klukkustundir hafa átt upptök sín við Kleifarvatn, nánar tiltekið undir Sveifluhálsi við vatnið vestanvert.
Einn skjálfti varð þar klukkan 15.40, af stærðinni 3,2 samkvæmt mælingum Veðurstofunnar.
Annar stærri skjálfti varð klukkan 17.38, en hann er talinn hafa verið 3,7 að stærð.
Líklegt verður að teljast að um sé að ræða svokallaða gikkskjálfta, sem leysa þá spennu úr jarðskorpunni sem kvikugangurinn hefur valdið á skaganum.
Stöðug smáskjálftavirkni við kvikuganginn
Tiltölulega tíðindalítið hefur annars verið á skaganum í dag, hvað skjálftavirkni varðar.
Vart verður þó við stöðuga smáskjálftavirkni eftir kvikuganginum endilöngum, frá Stóra-Skógfelli í norðri og í suð-suðvestur undir Grindavík og þaðan út með sjó.
Erlendir miðlar greina frá tíunda gosinu
Hvað gerðist eiginlega í VMA?
„Má segja að þetta gos hafi þjófstartað“
Mjög alvarlegt ef Njarðvíkuræð gefur sig
Búseta skortir byggingarlóðir
Mæðgur dæmdar til að greiða 64 milljónir
Þórarinn: Tafir á höfuðborgarsvæðinu ekki minni