„Þetta þýðir eiginlega bara að við þurfum að vera mjög mikið á tánum,“ segir Sigríður Kristjánsdóttir, náttúruvársérfræðingur á Veðurstofu Íslands, spurð út í stöðu mála á Reykjanesskaga að lokinni tíðindalítilli nóttu. 

Frétt af mbl.is

Yfir 14 þúsund skjálftar á rúmlega viku

Hún segir litlar breytingar hafa átt sér stað í nótt. „Það er stöðug skjálftavirkni, langmest þarna í kvikuganginum, en svo líka á þessum gikksskjálftasvæðum suður af Reykjanestá. Annars eru litlar breytingar.“ 

„Við verðum bara að bíða“

Þrátt fyrir að dregið hafi úr skjálftavirkni á undanförnum klukkustundum segir Sigríður það ekki draga úr líkum á því að eldgos eigi sér stað. 

„Við höfum séð það í fyrri gosum að skjálftavirknin hefur minnkað jafnvel talsvert áður en kvikan kemur upp á yfirborðið,“ segir Sigríður. „Við verðum bara að bíða og sjá hvað gerist og fylgjast með.“

Hún bætir við að klukkan 9:30 hefst stöðufundur þar sem sérfræðingar Veðurstofunnar og fulltrúar frá almannavörnum fari yfir þau gögn sem liggja nú fyrir. Þá sé möguleiki á því að staða mála skýrist að einhverju leyti. 

Frétt af mbl.is

Bein útsending frá Reykjanesskaga

Tengdar fréttir

Eldvirkni á Reykjanesskaga

Drónabann yfir Grindavík

• Varaafl heldur vinnslu í Svartsengi gangandi
• Svartsengislínan dottin út
• Hraunið náð Njarðvíkuræð: Fylgjast með raflínu
• Telur að Njarðvíkurlögnin haldi

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Jafn hættulegt og að hlaupa á sandölum ofan á þunnri …