Villandi fyrirsagnir erlendra miðla
Setja bókamerki
Tengdar fréttir
Ferðamenn á Íslandi
„Við rekjum þetta til villandi fjölmiðlaumfjöllunar erlendis,“ segir Bjarnheiður Hallsdóttir, formaður Samtaka ferðaþjónustunnar, um fjölda fyrirspurna ferðamanna um hvort öruggt sé að ferðast til Íslands.
Í samtali við mbl.is kveðst Bjarnheiður ekki kannast við að fólk sé farið að afbóka ferðir, en að Samtökum ferðaþjónustunnar hafi borist þó nokkrar ábendingar frá rekstraraðilum um að ferðamenn séu í auknum mæli að senda fyrirspurnir um hvort öruggt sé að ferðast til landsins.
Sumir lesa bara fyrirsagnir
Bjarnheiður segir upplýsingamiðlun lykilatriði í tilfellum sem þessum, enda séu margir ferðamenn órólegir vegna hamfarafyrirsagna um eldgos og hættustig í landinu.
„Það eru þessar stríðsfyrirsagnir sem gefa í skyn að það sé allt Ísland sem sé undir (...) en ekki að þetta sé takmarkað við einn landshluta,“ segir Bjarnheiður, „eins og við vitum þá lesa sumir bara fyrirsagnir.“
Hún segir því mikilvægt að ferðamenn afli sér öruggra upplýsinga og vísar til þess að aðilar í ferðaþjónustu geti vísað viðskiptavinum sínum á vefsíður Visit Iceland og Safe Travel fyrir áreiðanlega upplýsingagjöf.
Ekki eins og fyrri gos
Aðspurð segir Bjarnheiður segir ómögulegt að segja hvaða áhrif það kunni hafa á ferðaþjónustuna ef eldgos hefst.
Vissulega hafi fyrri gos verið aðdráttarafl fyrir ferðamenn, en að þessu sinni séu aðstæður öðruvísi þar sem ógn steðji að byggð.
„Þetta er allt öðruvísi en þessi þrjú fyrri.“
Tengdar fréttir
Ferðamenn á Íslandi
Búið að opna Hellisheiði
KEF Spa: „Eitthvað sem þú hefur ekki séð áður“
38 létust í flugslysi
Feðgar saman í Grænlandstúr á jólum
Hellisheiði og Þrengsli ekki opnuð í dag
Spá 13-18 stiga frosti í borginni
Fuglager í Grindavík: „Þetta var bara pínu magnað“