Kort: Svona liggur sprungan í gegnum Grindavík
Setja bókamerki
Á nýju korti af Grindavík má sjá hvernig yfirborðssprunga liggur í gegnum bæinn.
Sprungan markar eystri mörk sigdalsins sem myndast hefur eða dýpkað eftir jarðhræringarnar síðustu daga.
Sjá má sprunguna á gulu punktalínunni á kortinu hér að neðan, sem fengið er frá rannsóknareiningu Háskóla Íslands í eldfjallafræði og náttúruvá. Þeim gögnum sem kortið er reist á var safnað í gær, 12. nóvember.
Skemmdir víða sökum sprungunnar
Miklar skemmdir á gatnamótunum nálægt íþróttamiðstöð Grindavíkur liggja eftir þessari sprungu.
Víðar um bæinn má sjá skemmdir af völdum sprungunnar.
/frimg/1/45/19/1451959.jpg)
Fóru með dróna í gær
Ingibjörg Jónsdóttir landfræðingur útskýrir í samtali við mbl.is að jarðvísindamenn hafi farið með dróna í gær og hnitað inn þá staði þar sem þeir sjá einhverjar breytingar á yfirborði jarðar, t.d. skemmdir á vegum.
Voru þau gögn sett inn á loftmynd og almennt grunnkort.
Sigdalur og sprungur beggja vegna
Þegar þetta var borið saman við þekktar sprungur lentu nýju skemmdirnar á nákvæmlega sama stað.
Ingibjörg segir að á svæðinu hafi áður verið sigdalur sem hafi afmarkast af sprungum annars vegar við austurhluta og hins vegar við vesturhluta hans.
Vegna gliðnunar síðustu daga hafa þessar gömlu sprungur farið aftur af stað.
Þetta eru ráðherrar ríkisstjórnarinnar
Barn lést í árásinni
Skattamál verði líklega „þeirra mesta klemma“
Funda með þingflokkum
Lát hjóna í Neskaupstað: Ákæra gefin út
Alvarleg netárás á Wise
