Gylfi Þór Þor­steins­son, for­stöðumaður fjölda­hjálp­ar­stöðva, segir að tvær fjöldahjálpastöðvar séu opnar fyrir Grindvíkinga, í Kórnum og í Keflavík en þeirri sem var á Selfossi var lokað í gær.

Frétt af mbl.is

Gáfu grindvískum börnum bangsana sína

„Nóttin gekk ljómandi vel fyrir sig. Það eru 40 manns hjá okkur í Kórnum og 30 í Keflavík en við lokuðum fjöldahjálparstöðinni á Selfossi í gær. Nú er sú vinna í gangi að útvega sem flestum tímabundið húsnæði og það tekst vonandi á næstu dögum,“ segir Gylfi Þór í samtali við mbl.is.

Frétt af mbl.is

Bein útsending frá Reykjanesskaga

Gylfi segir að það séu allir boðnir og búnir að aðstoða, hvort sem það eru einstaklingar eða fyrirtæki.

„Það eru allir tilbúnir að leggja lóð á vogarskálarnar í þessu ástandi. Við höfum fengið allan þann varning sem við höfum þurft á að halda. Við höfum líka þurft að vísa ýmsu frá því viljum ekki vera með of mikið af varningi ef koma skyldi til lokana hjá okkur,“ segir Gylfi.

Frétt af mbl.is

Vöknuðu við þjófavarnakerfið í Kórnum

Höldum opnu á meðan það er nauðsyn

Hann segir að Rauði krossinn sé í góðu sambandi við hverfasíðurnar og ef eitthvað vanti þá sé hægt að senda út tilkynningar á þær og fólk sé fljótt að bregðast við kallinu.

„Við munum halda fjöldahjálparstöðvunum opnum á meðan það er nauðsyn en stefnan er að reyna að koma sem flestum í tímabundið húsnæði og þá breytist þetta meira í upplýsingamiðstöð. Hvar hún verður á bara eftir að koma í ljós. Eðli fjöldahjálparstöðva er að þær eru opnar í eins skamman tíma og hægt er því við þurfum að koma fólkinu í varanlegra húsnæði,“ segir Gylfi Þór.

Tengdar fréttir

Eldvirkni á Reykjanesskaga

„Ekkert okkar vilji afskrifa Reykjanesskagann“

• „Hissa á að ráðherra hafi skipað þetta“
• „Verið að gera stöðuna enn verri“
• Líkur á dyngjugosi þykja fara vaxandi
• Skjálftar á Reykjanesskaga

» Fleiri tengdar fréttir

• Blogga um frétt