Aðstæður breyst til hins verra
Setja bókamerki
Aðstæður í Grindavík hafa breyst til hins verra frá því í gær. Þetta segir Logi Sigurjónsson, lögreglumaður og gæslustjóri í Grindavík, í samtali við mbl.is á vettvangi.
Byrjað var að hleypa íbúum í Grindavík, sem búa austan við sigdalinn eða á appelsínugula svæðinu, inn fyrir bæjarmörkin um klukkan tólf á hádegi.
„Þeir fara í fylgd björgunarsveitarbíla á sínum eigin bílum,“ segir Logi.
„Við höfum verið að brýna fyrir fólki, að fólk sé ekki að koma í dag sem fór í gær, og svo framvegis,“ bætir hann við.
Fólk þarf að fara í björgunarsveitarbíla
Að því loknu verður farið inn á rauða svæðið svokallaða, eða hættusvæðið.
„Eftir klukkan eitt förum við í vesturhluta bæjarins. En þá þarf fólk að fara í björgunarsveitarbílum, ekki sínum eigin bílum.“
Spurður hvort áætlað hafi verið hversu margir íbúar muni sækja svæðið í dag segir Logi að það sé ekki vitað.
„Og svo er alls ekki víst að það komist allir heim í dag. Það verður bara að koma í ljós hvernig þetta gengur.“
Leitaði að upplýsingum um Kennedy-morðið
Segir afsökun Microsoft lélega
Ættum frekar að endurbæta samræmdu prófin
Fjöldi tungumála áskorun
„Þú ert bara orðin miðaldra kona“
Hagkerfið kólnar hratt og vilja sjá vaxtalækkun
Móðirin metin sakhæf í Nýbýlavegsmáli