Strikað var yfir heiti Grindavíkurbæjar og Bláa lónsins á skiltum Vegagerðarinnar við afleggjara Grindavíkurvegar á Reykjanesbraut til þess að upplýsa ferðamenn um að það sé ekki hægt að komast til Grindavíkur. 

Þetta segir G. Pétur Matthíasson, upplýsingafulltrúi Vegagerðarinnar, í samtali við mbl.is.

Smá tilraunastarfsemi líka

Spurður að því hvort að Vegagerðin hafi áður gripið til þess ráðs að strika yfir heiti sveitarfélaga á skiltum vegagerðarinnar segir hann nei. 

„Ég held alveg örugglega ekki, þetta eru náttúrulega alveg fordæmalausar aðgerðir. Það hefur aldrei verið rýmt heilt bæjarfélag og vegurinn þangað lokaður dögum saman. Þannig að þetta er svona smávegis tilraunastarfsemi líka,“ segir G. Pétur. 

Frétt af mbl.is

Strikað yfir Grindavík og Bláa lónið

Sól­ar­hrings­vakt hef­ur verið við Grinda­vík­ur­veg frá því að hon­um var lokað á föstudag til að tryggja að eng­inn óviðkom­andi keyri veg­inn.

G. Pétur segir að Vegagerðin hafi einnig haft það í huga að með þessu þá væri hægt að takmarka óþarfa umferð á lokunarpósta. 

Strikað var yfir heitin í gær. 

Tengdar fréttir

Eldvirkni á Reykjanesskaga

Vinna að því að verja rafmagnsmöstur við Svartsengi

• Hættumat lækkað í Grindavík
• Rockville borholan tekin í notkun á nýju ári
• „Höfum sloppið bærilega með skaða af þessu gosi“
• Líklegt að farið verði af neyðarstigi í dag

» Fleiri tengdar fréttir

• Blogga um frétt