Sigdalurinn enn virkur og líkur á eldgosi miklar
Setja bókamerki
Langflestir skjálftar verða nú við kvikuganginn, sem liggur undir Sundhnúkagígaröðinni og í suð-suðvestur í gegnum Grindavík. Frá miðnætti hafa mælst 700 skjálftar yfir kvikuganginum, sá stærsti af stærðinni 3,1 við Hagafell.
Aflögunarmælingar sýna áframhaldandi aflögun á svæðinu. Þær eru í samræmi við að kvika flæði enn inn í ganginn.
Þetta kemur fram í tilkynningu frá Veðurstofunni.
75 rúmmetrar á sekúndu
Segir þar að flæðið á sunnudag og mánudag hafi verið metið 75 rúmmetrar á sekúndu. Dýpið niður á kvikuganginn er talið vera um 800 metrar. Tekið er fram að þessar tölur séu út frá líkanreikningum og séu háðar óvissu.
Megináhersla á vöktun skjálftavirkni og aflögunar er á svæði gangsins og Grindavíkur.
„Nýjar GPS-stöðvar hafa verið settar upp í Grindavík og nágrenni. Þær sýna að sigdalurinn sem myndast hefur er ennþá virkur,“ segir í tilkynningunni.
„Líkur á eldgosi eru því enn miklar. Komi til goss er líklegust staðsetning við kvikuganginn. Ekki er að sjá vísbendingar í gögnum um annað.“
Skipulagði aðgerðir fyrir Ólympíuleikana
Stafræna byltingin étur börnin sín
„Björguðu lífi þessa fólks“
Móðirin metin sakhæf í Nýbýlavegsmáli
Ættum frekar að endurbæta samræmdu prófin
„Þú ert bara orðin miðaldra kona“
Ísland orðið of dýrt