Tæplega 300 jarðskjálftar hafa mælst á Reykjanesskaga frá miðnætti og virðist virknin vera svipuð og í gær en þá mældust 1.800 skjálftar. 

Sigríður Kristjánsdóttir, náttúruvársérfræðingur á Veðurstofu Íslands, segir voðalega litlar breytingar hafa átt sér stað síðustu klukkustundirnar. 

„Það sama er uppi á teningnum í allt kvöld og alla nótt,“ segir Sigríður.

Skjálftarnir koma langflestir fram yfir kvikuganginum, annars vegar við Sýlingafell og að Grindavík og hins vegar aðeins norðan við Stóra-Skógfell.

Næstum allir skjálftarnir sem mælst hafa frá miðnætti hafa verið undir tveimur að stærð. Síðasti skjálfti sem mældist yfir þremur varð klukkan hálftíu í gærmorgun og var sá 3,6 að stærð. 

Frétt af mbl.is

Bein útsending frá Reykjanesskaga

Tengdar fréttir

Eldvirkni á Reykjanesskaga

Hefði átt að setja neyðarstjórn yfir Grindavík

• „Horfum björt fram á veg“
• Hættustigi lýst yfir
• „Mér líður ömurlega“
• Hættan eykst á gosi í Grindavík

» Fleiri tengdar fréttir

• Blogga um frétt