Aðstæður versna enn í Grindavík
Setja bókamerki
Aðstæður í Grindavík eru verri í dag en þær voru í gær. Þetta segir Hjördís Guðmundsdóttir, samskiptastjóri almannavarna, í samtali við mbl.is.
Undir þetta tekur G. Pétur Matthíasson, upplýsingafulltrúi Vegagerðarinnar.
„Mínir menn hafa ekki séð stórkostlegar breytingar en þetta er allt á ferð og hefur verið að síga,“ segir hann.
„Þeir sjá það svo sem að þetta er að versna, en þeir hafa verið að gera við eins og kostur er í dag. Við leggjum áherslu á að halda öllum flóttaleiðum opnum og færum.“
Greint var frá því á mbl.is í morgun að sigið í sigdalnum næmi nú allt að 12 sentimetrum á sólarhring.
Ekki hægt að eiga við stóru sprunguna
Hann segir að gert hafi verið sprungu á Hópsbraut og á Austurvegi, vestarlega, en ekki stóru sprunguna sem alræmd er orðin eftir að myndir tóku að berast af svæðinu síðustu daga.
„Það er ekkert hægt að gera við hana eins og staðan er núna,“ segir hann.
„Menn hafa þurft að rjúka út á skömmum tíma svo það er eins gott að þetta sé í lagi.“
Aðstæður þóttu hafa versnað í gær
Greint var frá því í gær að þá þegar hefðu aðstæður breyst til hins verra frá því í fyrradag.
Logi Sigurjónsson, lögreglumaður og gæslustjóri í Grindavík, tjáði blaðamanni það á vettvangi í bænum.
Sprungur opnast og rafmagni slegið út
Sprungur opnuðust í Sundahverfi í dag eins og mbl.is greindi frá.
Þá sló rafmagni út í austurhluta bæjarins síðdegis og ekki lítur út fyrir að rafmagn komist þar á í bráð.
/frimg/1/53/8/1530844.jpg)
Myndir: Náttúrulegur þröskuldur að taka við
Úlfar: Heppileg tímasetning á gosinu
Hluti bílastæðis undir hraun: Ómögulegt að meta tjón
Hraunið við bílastæði Bláa lónsins
Drónamyndskeið frá hápunkti gossins í nótt
„Má segja að þetta gos hafi þjófstartað“
Ástæða til að ætla að eldgosahrinu fari að ljúka