Kvika talin streyma upp við Sundhnúk
Setja bókamerki
Mælingar sýna áframhaldandi aflögun á svæðinu við kvikuganginn, sem liggur undir Sundhnúkagígaröðinni og Grindavík.
Niðurstöður mælinganna eru í samræmi við það að kvika flæði enn inn í ganginn. Hluti hans virðist vera að storkna, einkum til jaðranna, en ekki við uppstreymissvæði kviku. Það er talið vera við Sundhnúk.
Líkur á eldgosi enn miklar
Þetta kemur fram í tilkynningu á vef Veðurstofunnar. Tekið er fram að frá miðnætti hafi mælst um 800 smáskjálftar, langflestir um miðbik kvikugangsins við Sundhnúk á um 3-5 km dýpi.
Á heildina litið virðist staðan vera óbreytt frá því í gær. Líkur á eldgosi eru enn taldar miklar. Komi til goss er líklegust staðsetning við kvikuganginn.
Sundhnúkagígaröðin liggur í suð-suðvestur að Grindavík.
Ljósmynd/Siggi Anton
RÚV hefji gervihnattaútsendingar að nýju
„Áfall fyrir bæjarfélagið“
30 ár og himinháar bótagreiðslur
/frimg/1/50/27/1502771.jpg)
Alvarlegt umferðarslys nálægt Gígjukvísl
Mohamad Kourani sé siðblindur en sakhæfur
Viðurkennir að fjarað geti undan framboðinu
Tappar verða framvegis fastir á öllum fernum