Sigið nemur nú allt að 12 sentimetrum á sólarhring
Margar götur í Grindavík eru illa farnar eftir náttúruhamfarirnar.
mbl.is/Eggert Jóhannesson
Setja bókamerki
Benedikt Gunnar Ófeigsson, sérfræðingur Veðurstofunnar á sviði jarðskorpuhreyfinga, segir ekkert lát á sigi í sigdalnum sem myndast hefur eða dýpkað í Grindavík.
Sigið er nú talið nema allt að 12 sentimetrum á sólarhring. Eins og mbl.is greindi frá í gær var sigið þá metið allt að sjö sentimetrar á sólarhring.
Búast má við áframhaldandi sigi
„Við sjáum sig inni í sigdalnum sem myndaðist og hann heldur bara áfram síga. Nýjustu gögn sýna okkur að sigið sé 12 sentímetrar. Stór hluti af þessum hreyfingum er sá að jarðskorpan er að jafna sig.
Þegar svona stór atburður á sér stað þá tekur það sinn tíma. Það má búast við áframhaldandi sigi og sprunguhreyfingum næstu misserin,“ segir Benedikt Ófeigur í samtali við mbl.is.
Barn lést í árásinni
Funda með þingflokkum
Víkingar komnir yfir 800 milljónir í greiðslur
„Börn heima sem maður myndi vilja hafa í skjóli“
Skattamál verði líklega „þeirra mesta klemma“
„Mér finnst gamla Samfylkingin komin aftur“
Samfylking og Viðreisn gáfu loforð
