Í dag eru viðbragðsaðilar að vinna inni á mesta hættu­svæði Grinda­vík­ur. Til að tryggja ör­yggi viðbragsaðila og íbúa verður fjöl­miðlafólki ekki hleypt inn fyr­ir lok­un­ar­póstana.

Búið er að hafa sam­band við þá íbúa Grinda­vík­ur sem eiga þess kost að fara inn í bæ­inn í dag til að bjarga verðmæt­um. Þeir ein­ir fá að fara inn í bæ­inn sem aðgerðastjórn­in í Reykja­nes­bæ hef­ur haft sam­band við. Íbúar fara inn í fylgd björgunarsveitarmanna.

Frétt af mbl.is

Vinnuflokkar frá HS Veitum í startholunum

Það er greinilegt að jarðhræringarnar við Grindavík vekja heimsathygli en mjög margir erlendir fjölmiðlamenn eru á svæðinu. Meðal annars eru miðlar frá Noregi, Bretlandi og Spáni á svæðinu sem og fjölmiðlamenn sem koma alla leiðina frá Japan. Hins vegar koma þeir allir að lokuðum dyrum og hafa ekki fengið að fara inn á svæðið.

Margir erlendir fjölmiðlamenn eru á svæðinu. Hins vegar koma þeir allir að lokuðum dyrum og hafa ekki fengið að fara inn á svæðið. mbl.is/Eggert Jóhannesson

Til at­hug­un­ar fyr­ir íbúa:

• Ekki fara ef þú þarft ekki nauðsyn­lega að fara.
• Aðeins verður leyfi fyr­ir einn aðila að fara inn á svæðið, fyr­ir hvert heim­ili.
• Skráið niður lista yfir það sem þið hygg­ist sækja áður en lagt er af stað.
• Munið eft­ir húslykli.
• Hafið búr fyr­ir gælu­dýr ef þörf er á.
• Hafið poka eða annað und­ir muni.
• Íbúar hafa stutt­an tíma inni á heim­il­inu.
• Þau sem fara mega ekki vera með bráðaof­næmi fyr­ir dýr­um því það verða gælu­dýr með í för í baka­leiðinni.
• Þetta er ein­göngu til þess sækja mjög mik­il­væga hluti s.s. gælu­dýr, lífs­nauðsyn­leg lyf, hugs­an­lega vega­bréf eða aðra ómiss­andi hluti fyr­ir heim­il­is­fólk.
• Mjög mik­il­vægt er að all­ir sem koma að þess­ari aðgerð hlýði vand­lega öll­um fyr­ir­mæl­um lög­reglu sem stýr­ir þess­ari aðgerð og virði tíma­mörk.

Frétt af mbl.is

Yfir 14 þúsund skjálftar á rúmlega viku

Tengdar fréttir

Eldvirkni á Reykjanesskaga

„Nokkur dæmi um hús í óásættanlegu ástandi“

• „Breytir ekki okkar viðbúnaði“
• Auknar líkur á kvikuhlaupi eða eldgosi
• Skelfur við Eldey
• Ólíklegt að ein eldstöð hafi áhrif á aðrar

» Fleiri tengdar fréttir

• Blogga um frétt