Tæplega 1.500 skjálftar hafa mælst á Reykjanesskaga frá miðnætti og tíðni skjálfta hefur færst örlítið í aukana síðasta sólarhring. Enn virðist mesta virknin vera við Hagafell.

Salóme Jórunn Bernharðsdóttir, náttúrvársérfræðingur á Veðurstofu Íslands, segir við mbl.is að á seinasta sólarhring hafi mælst um 80-100 skjálftar á klukkustund, svipað og mældist á mánudag og aukning frá síðustu sólarhringum.

„Það er einhver breytileiki í þessu,“ segir hún. „En þetta er töluvert minna en á föstudaginn, þegar allt fór af stað.“

Frétt af mbl.is

Yfir 14 þúsund skjálftar á rúmlega viku

Frétt af mbl.is

Brennisteinsgas mælist í Svartsengi

Sundhnúkur og Hagafell liggja yfir kvikuganginum, sem nær frá gígaröðinni og í suð-suðvestur undir Grindavík. Kort/mbl.is

Sigið hægir á sér

Salóme segir að virkninni í kvikuganginum sé dreift nokkuð jafnt á svæðið en virknin sé aftur á móti mest við Hagafell, þar sem gliðnun undir yfirborði er einnig talin mest.

Engin skjálfti yfir 3 að stærð hefur riðið yfir síðasta sólarhring en stærsti skjálftinn í dag var að stærðinni 2,9 klukkan 13.20 við Hagafell.

Frétt af mbl.is

Ný myndavél mbl.is horfir að Hagafelli

Salóme segir að það sé erfitt að segja til um hvar þenslan sé mest, þar sem sigdalur hefur myndast á svæðinu. Landið sígi um 2-4 sentimetrar á sólarhring, samkvæmt mælum á svæðinu.

Land hef­ur nú sigið um allt að 25 senti­metra inn­an sig­dals­ins sem tók að mynd­ast eða dýpkaði veru­lega á föstu­dag.

„Það hægir smá á þessu en það eru samt að mælast greinilegar hreyfingar þarna,“ segir hún.

Frétt af mbl.is

Landið sigið um 25 sentimetra til viðbótar

Tengdar fréttir

Eldvirkni á Reykjanesskaga

„Nokkur dæmi um hús í óásættanlegu ástandi“

• „Breytir ekki okkar viðbúnaði“
• Auknar líkur á kvikuhlaupi eða eldgosi
• Skelfur við Eldey
• Ólíklegt að ein eldstöð hafi áhrif á aðrar

» Fleiri tengdar fréttir

• Blogga um frétt