Úlfar Lúðvíksson, lögreglustjóri á Suðurnesjum, segir íbúa Grindavíkur aftur fá tækifæri á að fara inn á heimili sín á morgun. Það sé þó háð því að aðstæður verði svipaðar og þær voru í dag.

Verðmætabjörgun hófst um klukkan tíu í morgun og var farið inn á um 90 heimili í dag, segir Úlfar, sem gerir ráð fyrir að unnið verði eftir sama fyrirkomulagi á morgun. 

Frétt af mbl.is

Fá fylgd í gegnum lokunarpóst við Grindavíkurveg

„Ef að ekkert breytist, ef aðstæður verða svipaðar á morgun, þá gerum við ráð fyrir sama fyrirkomulagi og var í dag,“ segir Úlfar.  

Því verður haft samband við þá íbúa Grindavíkur sem eiga þess kost að fara inn í bæinn á morgun til að bjarga verðmætum. 

Þeir ein­ir fá því að fara inn í bæ­inn, sem aðgerðastjórn­in í Reykja­nes­bæ hef­ur haft sam­band við, og fara íbúar inn í fylgd björg­un­ar­sveit­ar­manna.

Frétt af mbl.is

Yfir 14 þúsund skjálftar á rúmlega viku

Lögreglan með sólahringsvakt í Grindavík

Spurður hvort lögreglan hafi fengið tilkynningar um einstaklinga á vappi um bæinn á nóttunni, segist Úlfar ekki vita til þess. 

Hann segir lögregluna þó með sólahringsvakt á svæðinu og bregðist við því sem bregðast þarf við. 

Frétt af mbl.is

Stálu hjólum í Grindavík: „Gjörsamlega fáránlegt“

Tengdar fréttir

Eldvirkni á Reykjanesskaga

„Nokkur dæmi um hús í óásættanlegu ástandi“

• „Breytir ekki okkar viðbúnaði“
• Auknar líkur á kvikuhlaupi eða eldgosi
• Skelfur við Eldey
• Ólíklegt að ein eldstöð hafi áhrif á aðrar

» Fleiri tengdar fréttir

• Blogga um frétt