Snarpur skjálfti á Reykjanesskaga
Skjálftinn átti upptök sín vestan við Kleifarvatn.
mbl.is/Arnþór Birkisson
Setja bókamerki
Snarpur jarðskjálfti af stærðinni 3,7 varð á Reykjanesskaga, um þrjá kílómetra vestur af Kleifarvatni, rétt eftir klukkan hálf sex í morgun. Skjálftinn fannst vel á höfuðborgarsvæðinu.
Skjálftinn varð talsvert austar en kvikugangurinn að sögn Einars Hjörleifssonar, náttúruvársérfræðings hjá Veðurstofu Íslands.
Líklegt er að um gikkskjálfta sé að ræða vegna mikilla spennubreytinga á svæðinu.
Um 370 skjálftar frá miðnætti
Alls hafa um 370 smáskjálftar mælst yfir kvikuganginum norðnorðaustur af Grindavík frá miðnætti.
Engin teljandi merki eru um breytta virkni yfir ganginum í nótt og gosórói hefur ekki mælst á jarðskjálftamælum Veðurstofunnar á svæðinu.
Um 1.800 skjálftar mældust yfir kvikuganginum í gær.
Óráðleg og afdrifarík ákvörðun skólayfirvalda
Fossvogslaug ekki í áætlunum Kópavogs
Kourani breytir um nafn og horfir til Bessastaða
Engar reglur til að takast á við stöðuna
Einsdæmi að ekki séu samræmd próf
Segja KÍ hafa leitt skólakerfið í öngstræti
„Ekkert samtal sem hefur átt sér stað“