Um 140 börn sóttu barnaþing
Setja bókamerki
Þriðja barnaþing umboðsmanns barna fór fram í Hörpu síðastliðinn föstudag. Forseti Íslands setti þingið, en um 140 börn á aldrinum 11 til 15 ára víðs vegar af landinu sóttu það.
Fyrir hádegi fóru fram umræður á vinnuborðum. Eftir hádegi mættu fullorðnir boðsgestir, meðal annarra þingmenn og ráðherrar, til að taka þátt í áframhaldandi umræðu um þau umfjöllunarefni sem börnin höfðu valið, segir í tilkynningu.
Lilja Alfreðsdóttir, menningar- og viðskiptaráðherra, Guðlaugur Þór Þórðarson, umhverfis- orku- og loftlagsráðherra, Svandís Svavarsdóttir matvælaráðherra og Willum Þór Þórsson heilbrigðisráðherra, sátu fyrir svörum í lok barnaþingsins. Þá kom forsætisráðherra Katrín Jakobsdóttir undir lok þingsins og ávarpaði barnaþingmennina.
Brýnt að stjórnvöld hlusti meira á börn
Börnin sögðu brýnt að stjórnvöld hlustuðu meira á börn og að réttindi allra barna væru tryggð. Þá lögðu þau til að sálfræðiþjónusta væri til staðar í öllum skólum, lækkun kosningaaldurs niður í 16 ár, skólakerfi sem hentar öllum, bæði þeim sem vilja fara hratt eða hægt í gegnum námið, að bið eftir greiningum væri stytt, betri þjónusta væri fyrir flóttafólk, ókeypis í strætó fyrir öll börn undir 18 ára aldri og að öll kyn fái sömu réttindi í íþróttum, segir enn fremur í tilkynningunni.
Ungir leikarar sóttu þingið og fluttu tvö atriði úr leikritinu Fíusól sem verður frumsýnt í Borgarleikhúsinu í byrjun desember.
Þá lauk barnaþinginu með flutningi frá Herra Hnetusmjöri, en barnaþingmenn völdu hann sérstaklega til að koma þar fram.
Var engin kristnitaka árið 1000?
„Tímabil aukinnar eldvirkni“
„Mér finnst gamla Samfylkingin komin aftur“
Alvarleg netárás á Wise
Víkingar komnir yfir 800 milljónir í greiðslur
Barn lést í árásinni
Ný ríkisstjórn kynnt á morgun
Funda með þingflokkum
