Þurfa fleiri daga til að meta ástand leiðslunnar

Erlendir sérfræðingar sem vinna að því að leita lausna við því tjóni sem orðið hefur á neysluvatnslögninni til Vestmannaeyja telja sig þurfa fleiri daga til að meta ástand leiðslunnar.

Þetta kemur fram í tilkynningu almannavarnanefndar Vestmannaeyja, en síðdegis í dag fundaði nefndin með forsvarsmönnum HS veitna þar sem farið var yfir þá stöðu sem upp er komin vegna tjóns sem átti sér stað á neysluvatnslögninni til Eyja. 

Frétt af mbl.is

Erlendir sérfræðingar meta tjón á vatnsleiðslunni

Frétt af mbl.is

Vatnslögnin stórskemmd

Í tilkynningunni segir að erlendu sérfræðingarnir telji sig þurfa lengri tíma til þess að meta bæði ástand leiðslunnar og þá möguleika sem fyrir liggi þegar komi að viðgerð hennar.

Að því loknu verði gefin út formleg yfirlýsing um stöðu lagnarinnar og hvað næstu skref feli í sér. 

• Blogga um frétt