Um 100 jarðskjálftar frá miðnætti
Horft úr norðri yfir Sundhnúkagígaröðina, sem liggur til suðurs að Grindavík. Stóra-Skógfell, Sýlingarfell og Þorbjörn hægra megin við miðju.
Ljósmynd/Siggi Anton
Setja bókamerki
Um eitt hundrað jarðskjálftar hafa mælst í grennd við kvikuganginn á Reykjanesskaga frá miðnætti.
Salóme Jórunn Bernharðsdóttir, náttúruvársérfræðingur hjá Veðurstofu Íslands, segir fjöldann minni en verið hefur. Það sé þó viðbúið vegna þess að hvasst er úti og mælar Veðurstofunnar nema minnstu skjálftana ekki eins vel.
Allir skjálftarnir sem um ræðir hafa verið smáskjálftar, undir einum að stærð.
Salóme Jórunn segir erfitt að meta hvort það sé að draga úr skjálftavirkni fyrr en það lægir.
Enginn gosórósi er á svæðinu.
„Ég hef verið kjaftaskur mikill“
Egyptar sigraðir og Ísland í toppmálum
Náðun stuðningsmanna Trumps vekur ólík viðbrögð
Nýr gróðureldur blossar upp í Los Angeles
Efla vill semja beint við dagforeldra
„Sársauki okkar er nístandi“
Harry fær tvo milljarða í bætur
Skotinn til bana við skyldustörf