Lögreglan bíður enn eftir gögnum sérfræðinga, þar á meðal lífsýnum og endanlegri krufningarskýrslu, vegna rannsóknar á andláti karlmanns á sextugsaldri í íbúð fjölbýlishúss í Bátavogi í Reykjavík.
„Það er ennþá verið að vinna í þessum gögnum,” segir Eiríkur Valberg, lögreglufulltrúi hjá miðlægri rannsóknardeild lögreglunnar á höfuðborgarsvæðinu.
Hann segir rannsókn málsins miða mjög vel áfram.
Gæsluvarðhald yfir konu um fertugt sem er grunuð um að hafa orðið manninum að bana var í síðustu viku framlengt um tvær vikur, eða til 7. desember.