Útfærsla á fasteignagjöldum næsta árs vegna húsnæðis í Grindavík er til skoðunar. Verður ákvörðun kynnt bæjarbúum í janúar.

Þetta kemur fram á vef bæjarfélagsins en þar segir jafnframt að margar fyrirspurnir hafi borist.

Lagaskylda hvílir á sveitarfélaginu um að leggja árlega fasteignaskatt. Þurfa fasteignaeigendur að greiða síðasta gjalddaga þessa árs, þ.e. gjalddaga 1. nóvember 2023 sem er síðasta greiðsla í greiðsludreifingu fasteignagjalda fyrir árið 2023.

Óvissa um fyrirkomulag næsta árs

Eins og áður kom fram er til skoðunar hvernig fyrirkomulaginu verði háttað á næsta ári.

Hvað varðar önnur fasteignagjöld þá er það í skoðun hvort skuli leggja þau á og þá hversu há fjárhæð það ætti að vera ef þá einhver.

Þessi gjöld eru:

• Lóðarleiga
• Vatnsgjald
• Fráveitugjald
• Sorpgjald
• Rotþróargjald

Tengdar fréttir

Eldvirkni á Reykjanesskaga

Auknar líkur á kvikuhlaupi eða eldgosi

• Skelfur við Eldey
• Ólíklegt að ein eldstöð hafi áhrif á aðrar
• Hækka hættumat um mánaðamótin
• Tengist mögulega Sundhnúkagígaröðinni

» Fleiri tengdar fréttir

• Blogga um frétt