Fjölmiðlar munu fá greiðari aðgang að Grindavík í dag. Þetta tilkynnti Úlfar Lúðvíksson, lögreglustjóri Suðurnesja, á upplýsingafundi almannavarna rétt í þessu.

Eins og mbl.is greindi frá skömmu áður en fundurinn hófst hefur Blaðamannafélag Íslands kært fyrirmæli lögreglustjórans um að takmarka aðgang fjölmiðla að hættusvæðinu.

„Samstarf við fjölmiðla hefur verið gott. En á sama tíma hafa þeir kvartað undan því að hafa ekki fengið að fara inn á lokuð svæði núna síðustu daga og lögreglustjórinn á Suðurnesjum í samstarfi við almannavarnadeild ríkislögreglustjóra komi til með að lyfta þessu banni. Þannig að í dag hafa fjölmiðlamenn greiðari aðgang að þessu svæði,“ sagði Úlfar Lúðvíksson.

„En á sama tíma bið ég ykkur að hafa í huga að ástæða þess að takmarkanir hafa verið settar á er fyrst og fremst í tillitsemi við þá sem að í Grindavík búa,“ bætti hann svo við.

Frétt af mbl.is

Kæra takmörkun á aðgangi fjölmiðla

Tengdar fréttir

Eldvirkni á Reykjanesskaga

Gatan í bylgjum og bíllinn hoppaði

• Eldgos nú talið ólíklegt í nóvember
• Skoða hvort Hvalur 8 og 9 geti hitað upp Suðurnes
• Telja sig geta rekið Grindavík til 2026
• „Ekkert okkar getur sett sig í spor ykkar“

» Fleiri tengdar fréttir

• Blogga um frétt