Mikil umfram eftirspurn er eftir húsnæði vegna rýmingu Grindavíkurbæjar. Leitað er nú allra leiða til þess að auka framboð leiguhúsnæðis á höfuðborgarsvæðinu og víðar, og afbóka orlofshús svo þau standi Grindvíkingum til boða.

Mikið álag er á starfsfólki Rauða krossins og félagsþjónustu Grindavíkur sem sér um að úthluta húsnæði.

Þetta sagði Víðir Reynisson, sviðsstjóri almannavarna, á upplýsingafundi vegna stöðunnar á Reykjanesskaga sem lauk fyrir skömmu.

Benti hann Grindvíkum á , sem þurfa á húsnæði að halda, að skrá sig á island.is.

Frétt af mbl.is

Dælubúnaður gæti kælt hraun og beint því frá byggð

Að mestu heilsárshús

„Það húsnæði sem stendur til boða í dag og næstu daga er að mestu heilsárshús í orlofsbyggðum [stéttarfélaganna]. Stéttarfélögin í landinu eru að bjóða okkur þetta til afnota án endurgjalds og þökkum við fyrir það,“ sagði Víðir á fundinum.

Að sögn Víðis er nú unnið að því að fólk sem átti bókað orlofshúsnæði gefi það eftir svo fleiri hús standi Grindvíkingum til boða. Hafa stéttarfélögin mætt miklum skilningi hjá sínu félagsfólki.

„Þetta eru lausnir til skamms tíma en á sama tíma er verið að leita allra leiða til þess að auka framboð á leiguhúsnæði á höfuðborgarsvæðinu og fleiri stöðum þar sem að fólk getur verið til lengri tíma.“

Tengdar fréttir

Eldvirkni á Reykjanesskaga

Auknar líkur á kvikuhlaupi eða eldgosi

• Skelfur við Eldey
• Ólíklegt að ein eldstöð hafi áhrif á aðrar
• Hækka hættumat um mánaðamótin
• Tengist mögulega Sundhnúkagígaröðinni

» Fleiri tengdar fréttir

• Blogga um frétt