Ökumaðurinn fluttur með sjúkrabíl af vettvangi

Ökumaður bifreiðar var fluttur með sjúkrabíl af vettvangi þegar hún valt norðan við Baulu í morg­un. Meiðsli hans eru ekki talin alvarleg.

Ökumaðurinn reyndi að aka fram úr vöruflutningabifreið en missti stjórn á bifreið sinni með þeim afleiðingum að hún fór útaf veginum og valt.

Þetta staðfestir Kristján Ingi Hjörvarsson, aðstoðaryfirlögregluþjónn á Vesturlandi, við mbl.is.

Frétt af mbl.is

Bílvelta norðan við Baulu

Reyndi að aka fram úr vöruflutningabifreið

Gera má ráð fyrir að veður og eða færð hafi eitthvað haft með slysið að gera en krap eða slabb var á veginum og einhver hálka af þeim sökum að sögn Kristjáns.

Annar bíll valt í morgun 

Kristján segir annan bíl hafa oltið fyrr í morgun á Borgarfjaðrarbraut við Kleppjárnsreyki en þar hafi ökumaður misst stjórn á bifreiðinni í krapi og hálku.

Engin slys urðu á fólki en bifreiðin hafnaði utan vegar.

• Blogga um frétt